الشعر و الأدب العربي الـنــظــرة الـخـجــولــة
هذه قصيدة نبطية لسمو الأمير ملكي عبدالرحمن بن مساعد آل سعود الأمير السعودي والشاعر .. الذي يفرض أحترامه على الأخرين
أعجبتني هذه القصيدة لذا نقلتها لكم .. وأهديها لكل رواد alg4 الأعزاء عربون محبة ومودة مني لكم .. وهذه هي القصيدة ..
الـنــظــرة الـخـجــولــة
ما سألتوا صاحب النظرة الخجولة
كيف يسهرني وله وجـهٍ صبـوح
كيف يظلمني وله طهر الطفولـة
كيف يسكنّي وهو دايـم يـروح
وكيف أنا ألقى ربيعه في فصوله
دام كذبه صادق وصدقه مزوح
له صفاتٍ تورد العاشق ذهولـه
مستكين صامـت وكلّـه جمـوح
أصعب الأشياء و أكثرها سهولـه
أغمض الأشياء و أكثرها وضـوح
سهل تغرم به وصعب إنك تنولـه
غامضٍ طبعه وواضح في الجـروح
أسعد بشوفه ولكـن مـا أطولـه
كنّي الوادي وهو أعلى السفوح
يبتسم لا منهم عنّـي حكـوا لـه
ولا حكوا لي عنه أعماقي تنـوح
لي بقلبه شـيٍ لكـن مـا يقولـه
وله بقلبي كـلّ و لكنّـي أبـوح
كنّه الغيمه و انا أرجي هطولـه
ما نـزل غيثـه ولا برقـه يلـوح
ما عرفتوا ليش تسهرني فعوله..!!
وليه يسكنّي وهو دايم يروح ..!!
هو يبيني بـسّ أطباعـه خجولـه
وما يبي أغفا وهو وجهه صبوح
Developed by Medjedel