الشعر و الأدب العربي بعد فترة من غيابك ليه بالله اتصلت ؟؟
بعد فتره من غيابك ليه بالله اتصلت ؟
من ثلاث شهور شلي رجعك يعني وصار
ماانت عشت كل هالفتره ولا حتى سالت
وش حصل هالحين؟ قول وعلمني باختصار
ليه؟؟ دام انك رجعت اليوم ليه اصلا رحلت؟
يعني الدعوه بكيفك او مزاجية صغار
الا يمكن صار لك حاجه بعقلك والا انهبلت
وانقلب وضع العلاقه من علوه لانحدار
ولا ماصدقت اني عشقتك حتى ثقلت
او كلام الليل فعلا معك يمحيه النهار
يوم قررت بليا سابق انذار اعتزلت
جاحدني كن مالي دور في صنع القرار
وادري انك لاصملت في قراراتك صملت
ماتردك دمعتين وكسر خاطر واعتذار
احتملت اللي لو انك في مكانه ماحتملت
وولله لولا اني عرفتك ماعرفت الانهيار
انكسار وضيق صدر ومشكله لامن زعلت
وان رضيت فالمصيبه ضيق صدر وانكسار
ضعت مدري ويش اسوي فيك لكنك وصلت
مرحله خلتني انسى كبريائي والوقار
صدقني لو فعلت في حياتي مافعلت
مابيدي غير احبك واعشقك اكثر واغار
يكذب اللي قال عندي ماطلعت ولا نزلت
باعتبارك في عيوني ما يجاريه اعتبار
انت اصلا من وطيت في مساحاتي وحللت
صرت احس اني مساحه من بياض ومن خضار
مثل الاسطوره واظنك من خلال اسمي دخلت
صفحة التاريخ لكن كنت اسطورة دمار
مجرم حب قتلتني لو انك ماقتلت
يكفي اني قمت احس برغبتي في الانتحار
كل ما اتذكر كلامك لي على الجوال قلت:
كل واحد في طريقه لي مسار ولك مسار
اذكر اني كنت ساكته وقتها حتى قفلت
واختنقت وما دريت الا وانا افك ازرار
والقط انفاسي وانا اسأل ليه ياروحي فشلتي
كانت اول تجربه معقوله اسأت الاختيار !!
افترقنا واعتقد من بعد فرقاي انشغلت
وافتكرت من بعد ما جار وقتك واستدار
اتصلت لاجل تسألني: كيف حالك ؟ وانتشلت
جثتي من قبل اموت من القهر والانتظار
ايه انا في خير لكن ودي اعرف ويش نلت ؟
من سواتك لا ضربت عشرتي عرض الجدار
انفصلت واستقريت لحالك وانتقلت
طالع برغبتك من دار واصبحت بدار
بس انا في نار عشت وتهت من يومك رحلت
حتى في لحظة كتابة هالقصيده عشت نار
عندما غبت ثلاث شهور ما حتى سألت
قلت:اجل آن الاوان يفترض سدل الستار
وقبل لااغمض عيوني وبثواني اتصلت
لجل تنعاد الحكايه كن مابه شي صار
مجهود مميز
شكرا جزيلا لكم
بارك الله فيك
دام عطاؤك في جسور التواصل
دام عطاؤك في جسور التواصل
شكرا جزيلا على المشاركة
يعطيك الصحة
شكرا لك .........
شكرا لك .........
Developed by Medjedel