الشعر و الأدب العربي بشوف منهو بالهوى صااار مسكيــن ؟؟!!
خلاص إنسى اليوم ماني نصيبك !!
حكم القدر اللي حكمنا حبيبين
دارت بنا الأيام واليوم جيتك
أطلبك تنسى الحب باكر وبعدين ..
طال انتظاري وطال إسمي حبيبك
كل البشر تدري لعب خافقك زين !
لولا الثقه ماكان هالقلب بيتك ..
ولولا المشاعر ماحكى الدمع بالعين
مره يصبرني حنانك وطيبك
ومره قسى قلبك يحيرني من وين؟؟
أعلنت بعدي بعد علمي بنيتك
بعد الهجر ماظنتي تقول مسكين ..
بقسى عليك ولا بغيتك أجيبك
ذكرى خفوقي وطيبته حي للحين !
راجع ضميرك شوف وشلون جيتك ؟؟
بعد السؤال اللي سألني كثيرين ..
قالوا أناني ومايحبك ياليتك
تبعد وأحبابه عددهم ملايين ..
لا واحسافه حب قلبي عطيتك
بنيت معك آمال واحلام بسنين ..
والا إنت مابندم لأني نسيتك !
بعتك لأني خابرك بالكذب مين ؟؟
بقسى وأنسى يوم إني وفيتك
جرحت قلبي وبالكذب صار جرحين ..
روح بطريق الغير إنت وضميرك
وبتشوف كيف البعد علمك درسين !!!
درس الحكي الصادق تركته بكيفك ..
ودرس الغدر وين بيوديك بعدين ؟!
بعد الحكي هالحين ماني نصيبك
بشوف منهو بالهوى صار مسكين؟؟؟
__________________
Developed by Medjedel